ഒരു മയിൽപ്പീലിയെൻ മനതാരിലെന്നും ഞാൻ

മധുരമൊരോർമ്മയായ് 

കരുതിവെച്ചു 

ഒരു മാത്ര നീയെന്നെ പുണർന്നില്ലയെങ്കിലും 

ഒരു കൃഷ്ണത്തുളസി ഞാൻ ചൂടിവെച്ചു - കണ്ണാ 

ഒരു കൃഷ്ണത്തുളസി ഞാൻ ചൂടിവെച്ചു

കായാമ്പൂവർണ്ണാ നിൻ മുഖമല്ലാതെ

കാണ്മതില്ലൊന്നുമെൻ കണ്ണിലെന്നും

കാതരയാമെന്നെ കാത്തുനിൽക്കാതെ

കണ്ണാ നീയെങ്ങു പോയ് മറഞ്ഞു

കണ്ണാ നീയെങ്ങു പോയ് മറഞ്ഞു

നിന്നെ കാണാതെ നീയിങ്ങണയാതെ 

നിർ നിദ്രമിങ്ങു ഞാൻ വാണിടുന്നു

മുറിയാതൊഴുകും മിഴികളിതെന്നും

ശിവരഞ്ജിനിയായ് തേങ്ങുന്നു - കണ്ണാ

ശിവരഞ്ജിനിയായ് തേങ്ങുന്നു

Written on September 7, 2026 @ Ponnukkara

--Will be updated--

Written on September 7, 2026 @ Ponnukkara