ഗോപാലചരിതം

°°°°°°°°°°°°°°°°°°°°°°°°

സ്തുതി

***********

കൃഷ്ണ കൃഷ്ണ ഹരി

കൃഷ്ണ കൃഷ്ണ ഹരി

കൃഷ്ണ കൃഷ്ണ ജയ കൃഷ്ണാ 

കൃഷ്ണ കൃഷ്ണ ഹരി

കൃഷ്ണ കൃഷ്ണ ഹരി

കൃഷ്ണ കൃഷ്ണ ജയ കൃഷ്ണാ 

കൃഷ്ണ കൃഷ്ണ നവനീത ചോര - യശോദനന്ദനാ കൃഷ്ണാ 

കൃഷ്ണ കൃഷ്ണ ഹരി ദേവകീ തനയ വാസുദേവ ജയ കൃഷ്ണാ

കഥ

**********

കുന്നിൻ ചെരുവിൽ ഒഴുകുമാ ചോലതൻ 

അന്തികേ കാണുമാ കൊച്ചു ഗ്രാമം

കുടിലൊന്നു കാണുവതില്ലേ അതിനുള്ളിൽ

വാഴുന്നു അമ്മയും ഗോപാലനും

കൊച്ചു ഗോപാലൻ ജനിപ്പതിൻ മുന്നിലായ് 

അച്ഛൻ മരിച്ചു പോയ് കഷ്ടമയ്യോ

ആരുമില്ലിന്നവർക്കെങ്കിലും ഇന്നവർ

തങ്ങൾക്ക് താൻ തുണയായിടുന്നു

കണ്ണനാമുണ്ണിതൻ ഭക്തയാമമ്മതൻ കൃഷ്ണകഥകളെ കേട്ടു കേട്ടു

കൊച്ചു ഗോപാലൻ ചെമ്മേ വളർന്നൊരു കോമളബാലകനായിയല്ലോ

എഴുത്തിനിരുത്തുവാൻ കാലമായ് അങ്ങനെ നൂതന വിദ്യകൾ നേടുവാനും

അക്കരെ ഗ്രാമത്തിൽ വാഴും ഗുരുവിങ്കൽ

പോയി പഠിക്കുവാൻ ചൊന്നിതമ്മ

°°°°°

കാടൊന്നു താണ്ടണം ഗുരുസവിധമെത്തുവാൻ

ഒറ്റക്ക് പോകുവാൻ പേടിയമ്മേ 

കരടി പുലികളും ഘോരാന്ധകാരവും 

ഓർക്കുവതാലേ വിറച്ചിടുന്നു

തനിയല്ല മകനേ നിനക്കുണ്ടൊരു ജ്യേഷ്ഠൻ

ഗോപാലൻ തന്നെയവന്നു നാമം

ഗോക്കളെ മേച്ചു നടക്കുന്നു കാനനേ

വരുമവൻ കൂട്ടായ് നിനക്ക് നിത്യം

ഭയമേറ്റുമെന്തൊന്നു കാണിലും ഗോപാലാ

ഗോപാലാ എന്നു വിളിച്ചു കൊള്ളൂ

ക്ഷണമോടു വരുമവൻ നിന്നന്തികത്തിലായ് 

നലമോടു നിന്നെ തുണക്കുമല്ലോ

ഇതുകേട്ടു ബാലനും ശരിയെന്നു ചൊന്നുടൻ 

ഗുരുഗേഹമെത്തുവാൻ യാത്രയായി

കാട്ടിൽ കടന്നൂ വിളിച്ചു ഭയത്താലേ

ഗോപാലാ ഗോപാലാ എന്നങ്ങനെ 

മൗലിയിൽ പീലിയും കയ്യിൽ കുഴലുമായ്

വന്നതാ മുന്നിലൊരു ഗോപബാലൻ

കളിയും ചിരിയുമായ് ഗോപാലരങ്ങനെ 

കാട്ടിൽ ദിനം ദിനം യാത്ര ചെയ്തു

°°°°°

നാളുകൾ പോകേ ഗുരുവങ്ങൊരു ദിനം

ഉത്സവമാക്കുവാൻ തീർച്ചയാക്കി

ബാലകരേവരും ഗുരുവിനായോരോരോ 

സമ്മാനം നൽകുവാൻ ചർച്ച ചെയ്തു

താനെന്തു നൽകുമെന്നറിയാതെ ഗോപാലൻ

തന്നമ്മ തന്നിടം ചെന്നു ചൊല്ലി

താനെന്തു നൽകുമെന്നറിയാതെയമ്മയും

കേൾക്കുവിൻ ജ്യേഷ്ഠനോടെന്നു ചൊല്ലി

അങ്ങനെയെന്നവൻ കൂടെ ചരിക്കവേ 

കാര്യമിതു കാര്യമായ് തന്നെ ചൊല്ലി

എല്ലാരും നൽകുന്നു സമ്മാനം ഗുരുവിന്

ഒന്നുമില്ലാതെ ഞാൻ എന്തു ചെയ്യും

നീ തന്നെ നൽകണം എന്തുതാനെങ്കിലും 

നീയല്ലാതാരുമേ കേൾപ്പാനില്ല 

ഗോക്കളെ മേച്ചു നടക്കുന്ന പാവമീ 

ഗോപാലനിന്നെന്തു നൽകുവാനായ്

എങ്കിലും എങ്കലിരിക്കുന്നൊരു കുടം

തൈരു ഞാൻ നിൻവശം തന്നയക്കാം

അങ്ങനെ ഒരു കുടം ദധിയങ്ങു 

നൽകിനാൻ 

നലമോടെ വാങ്ങിനാൻ ഗോപാലനും

സന്തോഷമോടതു ഗുരുകരം തന്നിൽ തൻ 

സമ്മാനമായവൻ നൽകിടുന്നു

°°°°° 

ഭോജന സമയത്തു ഗുരുവതു ബാലകർക്കെല്ലാം

ഇലയിൽ വിളമ്പി നൽകി

അഹഹോ ഇതെന്തു കഥയെത്ര കൊടുത്താലും

കുടമതു പിന്നെയും പൂർണം തന്നെ

പാത്രങ്ങളെല്ലാം നിറച്ചു അനന്തരം പാർത്തൂ 

കുടം വീണ്ടും പൂർണ്ണമത്രേ

ഗോപാലാ ചൊല്ലു നീ ആരിതു തന്നതു

എങ്ങു നിന്നീ കുടം തൈരു വന്നൂ 

ജ്യേഷ്ഠനാം ഗോപാലൻ തന്നേ ഗുരുവിന്നു

സമ്മാനമായ് നൽകാൻ തന്നിതവൻ 

ആരവൻ എങ്ങനെയുള്ളവൻ ചൊല്ലു നീ

ഒന്നും ഒളിക്കാതെ ചൊല്ലിയാലും

പീലി ചൂടുന്നവൻ കയ്യിലോടക്കുഴൽ സദാ 

ഗോക്കളെ മേച്ചു നടന്നിടുന്നൂ 

ആഹാ വിചിത്രം ഇതെങ്കിൽ എനിക്കൊന്നു 

കാണണം അവനെയതു സാധ്യമാണോ

അതിനെന്തു നിത്യവും ഞങ്ങൾ ഒന്നായ് തന്നെ 

പോവതെന്നും എൻ്റെ ജ്യേഷ്ഠനവൻ

°°°°°

അങ്ങനെ ഗോപാലൻ ഗുരുവിനോടൊത്തന്നു 

കാടകം വന്നു വിളി തുടങ്ങി

ഗോപാലാ ഗോപാലാ എത്ര വിളിച്ചിട്ടും

ഗോപാലനെന്തേ വരുന്നതില്ലാ

വരികില്ല നീയെങ്കിൽ ഗുരുവിൻ്റെ മുന്നിൽ ഞാൻ 

ചൊന്നതു കള്ളമായ് തീരുമല്ലോ

എന്തിനിന്നീ വിധം ചെയ്‌വതുമെന്നെ നീ

എന്തിനു കള്ളനായ് മാറ്റിടുന്നൂ 

വേണുനാദം അതാ കേൾക്കുന്നു മോഹനം

വേണുഗോപാലൻ മൊഴിഞ്ഞിടുന്നൂ

മാമക ദർശനം അത്രയ്ക്കെളുതല്ല 

ഗോപാലാ നിന്നുടെ ശുദ്ധചിത്തം 

ഒന്നിനാൽ മാത്രം നിൻ കൂടവേ വന്നു ഞാൻ

അന്യർക്കു കാണ്മാൻ അസാദ്ധ്യമത്രേ 

അരുളതു കേട്ടതും തൊഴുതൂ ഗുരുനാഥൻ 

കണ്കൾ നിറഞ്ഞു വഴിഞ്ഞൊഴുകീ

ക്ഷീരാബ്ധി നാഥൻ താൻ ക്ഷീരജം നൽകിയോ

ക്ഷണികൻ ഇന്നിവനൊരു സമ്മാനമായ്

അഹഹോ സുകൃതങ്ങൾ എന്തിതു ചെയ്തു ഞാൻ

ഈ വിധം ശിഷ്യരെ കിട്ടുവാനായ് 

ഗോപാലാ നിൻ കൂടെ നിത്യവും വന്നതു 

ഗോപാലകൃഷ്ണനവൻ താനത്രേ 

നിന്നുടെ ഭക്തിക്കു മുന്നിൽ പരാധീന-

നായിന്നു സാക്ഷാൽ പരം പൊരുളും!

– ശുഭം –

© Azad

Written on September 6, 2026 @ Ponnukkara

Gopaalacharitham

°°°°°°°°°°°°°°°°°°°°°°°°

Sthuthi

---

Krishna Krishna Hari

Krishna Krishna Hari

Krishna Krishna Jaya Krishnaa

Krishna Krishna Hari

Krishna Krishna Hari

Krishna Krishna Jaya Krishnaa

Krishna Krishna Navaneetha Chora - Yashodhanandanaa Krishnaa

Krishna Krishna Hari Devaki Thanaya Vasudeva Jaya Krishnaa

Katha

---

Kunnin cheruvil ozhukumaa cholathan

Anthike kaanumaa kochu graamam

Kudilonnukaanuvathille athinullil

Vaazhunnu ammayum Gopaalanum

Kochu Gopaalan janippathin munnilaay

Achhan marichu poy kashtamayyo

Aarumillinnavarkkengilum innavar

Thangalkku thaan thunayaayidunnu

Kannanaamunnithan bhakthayaamammathan Krishna kathakale kettu kettu

Kochu Gopaalan chemme valarnnoru komalabaalakanaayiyallo

Ezhuthiniruthuvaan kaalamaay angane noothana vidyakal neduvaanum

Akkare graamathil vaazhum guruvinkal

Poyi padikkuvaan chonnithamma

°°°°°

Kaadonnu thaandanam gurusavidhamethuvaan

Ottakku pokuvaan pediyamme

Karadi pulikalum ghoraanndhakaaravum

Orkuvathaale virachidunnu

Thaniyalla makane ninakkundoru jyeshthan

Gopaalan thanneyavannu naamam

Gokkale mechu nadakkunnu kaanane

Varumavan koottaay ninakku nithyam

Bhayamettumenthonnukaanilum Gopaalaa

Gopaalaa ennu vilichu kolluu

Kshanamodu varumavan ninnanthikathilaay

Nalamodu ninne thunakkumallo

Ithukettu baalanum shariyennu chonnudan

Gurughehamethuvaan yaathrayaayi

Kaattil kadannoo vilichu bhayathaale

Gopaalaa Gopaalaa ennangane

Mauliyil peeliyum kayyil kuzhalumaay

Vannathaa munniloru Gopabaalan

Kaliyum chiriyumaay Gopaalarangane

Kaattil dinam dinam yaathra cheythu

°°°°°

Naalukal poke guruvangoru dinam

Ulsavam aakkuvaan theerchayaakki

Baalakarevarum guruvinaayororo

Sammaanam nalkuvaan charcha cheythu

Thaanenthu nalkumennariyaathe Gopaalan

Thannamma thannidam chennu cholli

Thaanenthu nalkumennariyaatheammayum

Kelkkkuvin jyeshthanodennu cholli

Anganeyannavan koode charikkave

Kaaryamithu kaaryamaay thanne cholli

Ellaarum nalkunnu sammaanam guruvinu 

Onnumillaathe njan enthu cheyyum

Nee thanne nalkanam enthuthaanenkilum

Neeyallathaarume kelppaanilla

Gokkale mechu nadakkunna paavamee

Gopaalaninnenthu nalkuvaanaay

Engilum engalirikkunnoru kudam

Thairu njan ninvasham thannayakkaam

Angane oru kudam dadhiyangu

Nalkinaan

Nalamode vaanginaan Gopaalanum

Santhoshamodathu gurukaram thannil than

Sammaanamaayavan nalkidunnu

°°°°°

Bhojana samayathu guruvathu baalakarkkellaam

Ilayil vilambi nalki

Ahaho ithenthu kathayethra koduthaalum

Kudamathu pinneyum poornnam thanne

Paathrangalellaam nirachu anantharam paarthoo

Kudam veendum poornnamathre

Gopaalaa chollu nee aarithu thannathu

Engu ninn ee kudam thairu vannu

Jyeshthanaam Gopaalan thanne guruvinnu

Sammaanamaay nalkaan thannithavan

Aaravan enganeyullavan chollu nee

Onnum olikkaathe cholliyaalum

Peeli choodunnavan kayyilodakkuzhal sadaa

Gokkaley meechu nadannidunnu

Aahaa vichithram ithenkil enikkonnu

Kaananam avaneyathu saadhyamaano

Athinenthu nithyavum njangal onnaay thanne

Povathennum ente jyeshthanavan

°°°°°

Angane Gopaalan guruvinodothangu

Kaadakam vannu vili thudangi

Gopaalaa Gopaalaa ethra vilichittum

Gopaalanenthe varunnathillaa

Varikilla neeyenkil guruvinte munnil njan

Chonnathu kallamaay theerumallo

Enthininnee vidham cheyvathumenne nee

Enthinu kallanaay maattidunnu

Venunaadam athaa kelkkunnu mohanam

Venugopaalan mozhinjidunnu

Maamaka darshanam athraykkeluthalla

Gopaalaa ninnude shuddhachiththam

Onninaal maathram nin koodave vannu njan

Anyarkku kaanmaan asaadhyamathre

Arulathu kettathum thozhuthoo Gurunaadhan

Kankal niranju vazhinjozhuki 

Ksheeraabdhi Naathan thaan ksheerajam nalkiyo

Kshanikanaam ivanoru sammaanamaay

Ahaho sukruthangal enthiha cheythu njan

Ee vidham shishyare kittuvaanaay

Gopaalaa nin koode nithyavum vannathu

Gopaalakrishnanavan thaanathre

Ninnude bhakthikku munnil paraadheena-

Naayinnu saakshaal param porulum!

– Shubham –

© Azad

Written on September 6, 2026 @ Ponnukkara